Ábyrgðarskilmálar vegna kaupa á notuðum bifreiðum
Ábyrgð á vél gildir í 12 mánuði eða 15.000km, hvort sem kemur fyrr.
Ábyrgð á drifbúnaði gildir í 6 mánuði eða 7.500 km, hvort sem kemur fyrr.
Ábyrgð á rafkerfi gildir í 3 mánuði.
Ábyrgð á bremsubúnaði gildir í 1 mánuð eða 1.250 km, hvort sem kemur fyrr.
Ábyrgð gildir frá dagsetningu afsals.
Undanþágur ábyrgðar – Ábyrgðin nær ekki til eftirfarandi liða:
Lakkskemmdir eða ryð. Uppítökubifreiðar. Bifreiðar í umboðssölu. Bifreiðar seldar sem B-vörur. Bilana sem rekja má til misnotkunar, vanrækslu eða tjóns. Bifreiða sem hafa verið breytt, t.d. breytingar á fjöðrunarbúnaði. Loftinntaks- og útblásturskerfa (þ.m.t. túrbínur/þjöppur, inntaksgreinar, pústgreinar, kútar og sótagnasíur).
Ef bifreið er seld áfram til þriðja aðila innan ábyrgðartímabils fyrnist ábyrgð frá Hertz.
Ábyrgð fellur úr gildi ef bifreið er ekki þjónustuð samkvæmt stöðlum framleiðanda.
Hertz endurgreiðir hvorki að hluta né í heild kostnað vegna viðgerða á öðrum verkstæðum, jafnvel þótt bilun falli undir ábyrgð.
Hertz ber ekki ábyrgð á bilunum eða skemmdum sem rekja má til viðgerða sem framkvæmdar eru af öðrum verkstæðum, nema slíkar viðgerðir hafi verið samþykktar af Hertz fyrirfram.
Ábyrgð fellur úr gildi sé bifreið notuð í atvinnuskyni.
Þar með talið útleigu, farþegaflutningar, akstursþjónustu eða sambærilega starfsemi.
Ábyrgð gildir ekki til fyrirtækja.
Ábyrgðarskilmálar Hertz sem gilda við sölu til neytenda gilda ekki við sölu til fyrirtækja.
Tilkynna skal um bilun skriflega á bilasala@hertz.is innan ábyrgðartímabils. Tilkynning með öðrum hætti er ekki tekin gild.
Ef ekki er tilkynnt um bilun innan ábyrgðartímabilsins fellur ábyrgð úr gildi, þó bilun hafi komið fram áður.
Mikilvægt er að tilkynna bilun sem fyrst til að koma í veg fyrir frekara tjón.
Viðskiptavinum stendur til boða bílaleigubíll af minnstu stærð á sérkjörum á meðan ábyrgðarviðgerð stendur, ef framboð bifreiða til útleigu leyfir .